نحن كشباب سيس طول السنه بنقول (( فاكس مذاكره)
و نرفع شعار
السيس اللي علي حق يقول للمذاكره لأ
بقي عايزني اسيب الفيس بوك ببيدجاته وألشاته وموززه
وأقعد اذاكر !!
ايه الفراغ ده
ولكن يأتي وقت يصبح فيه ( لا مفر من المذاكره)
فماذا نفعل ؟؟!!
يؤمن صاحبي الانتيم ,, ان احنا جامدين فحت ردم ولو ذاكرنا
هنحُط علي كل العيال الدحيحه
:D
نبدأ بعمل جدول
يُراعي فيه
وقت للمذاكره
وقت للفيس بوك
وقت للراحه
وقت للانتخه
وقت للنوم
ـــــــــــــــــــــــــــ
1- مذاكره الشباب السيس اللي غاويين نت وكمبيوتر
نبدأ المذاكره الفعليه ,, نمسك الكتاب 10 دقايق
اووووووووف انا زهقت
طب ندخل نشوف الفيس بوك بسرعه
30 دقيقه
ياااااااااااه انا طولت قوي
اما نمسك الكتاب تاني جايز الوحي ينزل و نفهم كلمه
و بعدين بقي هو احنا مش هنفهم ؟؟ ايه الماده بنت التيت دي
طب اما ندخل الفيس نرتاح شويه
اوبااا لقيت موزه فاتحه علي الشات
طب نفتح اي حوار معاها
هتقول هاي
( هي هتتقل شويه وهترد بعد شويه)
وهي فاضيه ومابتعملش حاجه ,, شغل بنات سيس يا عم الحاج
بالمناسبه ,, الحركه دي اتهرشت وكل الشباب عارفينها
:D
بلاش تعملي فيها المهمه المشغوله وانتي محدش بيعبرك
:D:D
بعد ما تخلص شات ,, تبقي ملكش مزاج تذاكر
تروح واخدلك لفه في موقع و تحمل كام ملف في
hidden folder
اللي علي جهازك
و بعد كده يبقي انت فَصلت يا معلم واليوم ضاع !!
ـــــــــــــ
طب لو ربنا بيحبك و ماشيه معاك لوز الجوز
وفيه بقره قاعده علي سلك النت العمومي
و النت فاصل عندك
:D
تروح مقضيها بلاي ستيشن
انت ضد الجهاز
تدي الجهاز 5 -0
و اخيرا بتكسب مره في حياتك
بدل ما اصحابك بيحطوا عليك علي طول
:D
و تلعب دوره وتكسبها ,, وتستني الموزه اللي هتسلمك الكأس
:D
ومفيش مانع بردو
تروح تشوف ال
hidden folder
و تفصل بردو واليوم يضيع
ــــــــــــــ
2- مذاكره الشباب السيس اللي دماغهم بانجو وحشيش
يمسك الكتاب 10 دقايق
و تتطلب معاه يولع سيجاره
لو انت مفضوح في البيت وعارفين ان ليك في النظام
هتلاقي معاك سجاير كليوباترا او بوكس
( مليانه نشاره خشب ,, حاجه تقرف)
ومستلف فلوسهم من صحابك
:D
لو انت نجم وبرنس ولسه ما اتكشفتش
هيبقي معاك سجاير نضيفه حسب دماغك
:D
تشرب و تظبط دماغك والعلبه تخلص ,,
تنزل علي اي كافتريا تشرب حجر شيشه أوفر من علبه السجاير
:D
واليوم يضيع
ـــــــــــــــــــــ
لو ليك في الحشيش والبانجو
فأنت اصلا مش عارف الفرق بين الكتاب والقلم
بالمناسبه
دماغ البانجو = دماغ واحد مطبق يومين ورا بعض وما نامش
دماغ الحشيش = دماغ واحد مطبق يومين ورا بعض وما نامش بس مضروب بالجزمه الصبح
:D
ــــــــــــــــــــــــــــــــــــــــ
No comments:
Post a Comment