حباً فدائياً

رأيتك ذات يوم في خيالي تقيمين الليالي لا أبـــــــالي

رأيتك ذات يوم في عيوني فلم أعبــأ وقلت القلب خالي

وانبأني"الردار"بعمق قلبي بأن الحـب يسعــى لاغتيالــي

بطلقات من الحسن المدوّي وغارات بطائرة الجمـــــال

فكيف بخندقي المذعور أبقى لأدفن لهفتي تحت الرمال

وكيف أخوض حربا أنت فيها ولم أتقن فنونـــا للقتــــــــال

فلا طول الهجوم عليك يجدي ولا طول الصمود من احتمالي

لذا فلتدخلي من غير حرب ببدرك في فضاءات اختيالي

لتحتلي البوارج في فؤادي بجيش من أســاطيل الدلال

وفوق خريطة الأشواق هزّي اذا ما شئت عاصفة انفعالي

وهاهي ذي معاهدتي بأني أقر بالانهزام والاحتلال

رسالة إلى المنبطحين

أهلاً وسهلاً بكم فى حلقة جديدة من برنامج " غباء أون لين" فى الفقرة دي هنعرض بعض الأفكار العقيمة للمنبطحين..

لو أنت قاعد فى مدرجات الدرجة التالتة هتلقى النادي الأهلي على يمينك ..وهتلقى النادي الزمالك على شمالك..وهتلقى المنبطحين على الأرض إن شاء الله..علشان الإنبطاح لا يكون إلا أرضاً.

تعريف المنبطح: كائن حي يعيش على فضلة خير العلمانيين .. مريض بمرض يسمى" أنا النخبة " وده مرض وهمي..يعني بيخليه يعيش الوهم..فاكر نفسه مفكر..مكتئب..مش عاجبة أي حاجة فى التلاجة..وبيقول أي كلام فى الحمام..دايماً منعكش شعره..أو لابس قميص "بأستيك" هدفه الأول والأخير"الهجوم على الإسلام من خلال الإسلاميين" ماشي بسياسة "متدخلش ده في ده" يعني"متدخلش الدين فى أي حاجة إلا لو كنت هتسبه وتسخر منه فقط" ولو مثلاً هو ماشي زعلان ومتضايق ومش طايق ودانه ولو شخص يقوله: يا عم روق وصلي على النبي..يرد ويقول: متدخلش الدين فى الزعل "....آآه منكم يا بني منبطحين !!!

خرج علينا المنبطحين عاملين من"نجيب باشا" مفكر العصر وداهية العصر وأحسن واحد يلعب بلاى ستيشن وهو مغمض كمان !

قال أيه يا عم الحاج" يقولك أصل نجيب ساويرس نشر صورة –ميكي وميني- وهو متعمد إنه ينشرها " ليه بقى يا علماني منك له ؟

يقولك: (( أصل شركة موبنيل دي مش بتاعت ساويرس ..دي بتاعت شركة فرنسية لها أسهم بنسبة 71.25 % من أسهم موبينيل.. وشركة أوراسكم للإتصالات تملك 20% من أسهم شركة موبينيل )) وكمان بيقولك (( ساويرس بيملك نسبة 51%من أسهم شركة أوراسكم اللي هي مساهمة بـ 20% من شركة موبينيل..يعني أصبحت نسبة ساويرس فى شركة موبينيل 10 %بس )) 

وبيقولك كمان يا بشمهندس(( وساويرس كان عايز يشتري أسهم أكتر فى شركة موبينيل..قوم أيه بقى؟! راح عمل "صورة ميكي وميني وسخر من الإسلام" علشان الناس تقاطع شركة موبينيل..وبالتالي أسعار الأسهم فى موبينيل تبقى رخيصة..وساويرس يشتريها رخيصة وياخد الشركة برخص التراب )) 

وكمان بيقولو(( وبدأت حملة المقاطعة اللي عملها أخواننا المدافعين عن النقاب واللحية وبدأت أسعار أسهم موبينيل فى الإنخفاض وساويرس أشتراها برخص التراب)) طبعاً مع شوية قلة أدب وشتيمة فى المسلمين...انتهى .

رد محمود داود:

ده عند أمه..ولو كلمة "أمه" سوقية شويه " خليها عند مامته .

مصيبتكم يا بني علمان فاكرين أن عندكم عقول جامدة..ولو أني أظن إن عندكم عقول بس "بأقلاب القاف إلى جيم" ويبقى هو ده كلام الناس الجامدين.

أولاً: بيقول أن دي خطة من ساويرس علشان أسعار أسهم موبينيل تنخفض..وساويرس يشتريها برخص التراب.. يا حلاوة !! ده على أساس ان الناس هتكسر شريحة موبينيل لمدة"أسبوعين" وبعد الأسبوعين يروحوا يشتروا شريحة موبينيل تاني؟! على أساس ان الناس هتحول لشركة "إتصالات" لمدة أسبوع وترجع تحول تاني لشركة موبينيل؟! أنت مبلبع أيه حضرتك؟! شكلك واخد شوب علمانية على الريق وعامل عمايله..يا عزيزي الفاضل يا جميل الشكل والملامح هذه المقاطعة ليست مؤقتة..هذه المقاطعة دائمة..يعني شركة موبينيل ستسقط إلى الأبد إن شاء الله..فلو على حسب كلامك ساويرس هيشترى الأسهم بتاعتها بسعر رخيص..طيب هيبيعها أمتى بسعر أغلى والمقاطعة لسه شغالة؟ أبقى خليه يديلك سهمين تسلك بيهم سنانك ..غباء بلا حدود.

ثانيا: على حسب كلامك لما الشركة الفرنسية تخسر الأسهم بتاعتها فى شركة موبينيل..هتضطر تبيع الأسهم وتخلع من الشركة...وبما أن شركة موبينيل فى النازل..يا ترى مين هيشترى الأسهم؟! مفيش حد ..يبقى الهيكل والقوام الرئيس للشركة أنضرب..وكل عام وأنت منبطح ومنجيلكش فى حاجة وحشة.

ثالثاً: هل تظن أن ساويرس ممكن يضحي بالسياسة وسمعته السياسية والحزب بتاعه مقابل إنه ياخد شركة موبينيل ويشتري فيها أسهم بنسبة أكبر؟! مشكلتكم يا بني علمان إنكم مش عارفين عايزين أيه والله!! 

ده ساويرس مستعد يضحي بنصف ثروتة مقابل مستقبلة السياسي..ولا نسيت الفلوس اللي دفعها فى حملة " أركب الحنطور وقول لاء لتعديل الدستور" ولا نسيت ساويرس وهو بيلف ويدور على"الموالد" ويأكل الغلابة علشان ياخد أصواتهم؟ ولا نسيت "خط موبينيل بجنيه وعليه 1000 دقيقة يا بيه بس أديني صورة البطاقة" ولا نسيت عرضه لشراء الأعضاء التأسيسيين للحزب؟! يعني معقولة ساويرس خلاص ضحى بالسياسة مقابل المال؟!  قول كلام غير ده يا راجل

رابعاً: وفرضاً جدلاً ومجازاً وأعتباطاً أن دي لعبة من ساويرس علشان يشتري باقي أسهم موبينيل بسعر رخيص..يا ترى أيه رأيك فى باقي شركات ساويرس؟ كانت لعبه برضة علشان يخلي باقي شركاته تخسر فى البورصة؟ لأن كل أسهم ساويرس نزلت مش بس أسهم شركة موبينيل..وكمان ليه ساويرس هيطلع"يعتذر" ويقول انا كنت "بهزر"؟! بالعكس دي لو لعبة كان هيسكت ويخلي الناس تتاغظ أكتر وتقاطع أكتر..لكن لما ساويرس يقول"أنا آسف" ربما كلمة  أنا آسف ترضي المنبطحين مثلك وعدد المقاطعين يقل..صح كده؟.صدقني ياض يا منبطح انت وهو محتاج الواحد يمسكك ويقعد يرج فيك زي إزازة البيبسي لغاية لما الكازوزة بتاعتك تطير .

خامساً: فرضاً جدلاً ومجازاً وأعتباطاً أن دي لعبة من ساويرس يحط صورة ميكي وميني ويسخر من الإسلام علشان يشتري باقي الاسهم من شركة موبينيل بسعر رخيص جداً...ماشي يا عم الراجل..أنت رضيت يعني إنه يسخر من الإسلام؟! يعني أرتضيت ان ساويرس يسخر من الإسلام و وافقت وقعدت تزغرط له وناقص تتحزم وترقص وتقول"ساويرس عبقري وأديني يا مفتري" للدرجة دي إسلامك سهل وبسيط ورخيص علشان واحد زي ساويرس يسخر منه؟

سادساً: يا أبو الشباب يا منبطح منك له..دي لو أول مرة يسخر فيها ساويرس من الإسلام هقولك ماشي ممكن تكون لعبة..لكن فى توقيت غير مناسب لإنه داخل معركة سياسية !! لكن دي مش أول مرة يسخر فيها ساويرس من الإسلام للآسف..فاكر لما "شغل فيلم فيه مناظر جنسية على القناة بتاعته؟" فاكر "لما قال ان الحجاب فى مصر هيخلينا نبقى زي إيران" فاكر لما مذيعة قناة ساويرس كانت بتهاجم قرار"منع القُبلات من الإفلام العربي"وبتقول إحنا أتربينا على الأفلام دي-ونعم التربية-وشكلنا هنبقى زي أفغانيستان وإيران" هل كل ده مكنش هجوم على عادات وتقاليد الشعب المصري اللي أستوحاها من الشريعة الإسلامية ؟! يبقى دي عادة من عادات ساويرس وهو أن يسخر من الإسلام..معقولة كل مرة بيسخر فيها من الإسلام يبقى بيعمل فيلم هندي علشان يخلي الأسهم بتاعت موبينيل ترخص ويروح يشتري الباقي منها؟!  أصحاب العقول فى راحة....راحة ومش راجعة تاني.

سابعاً: المنبطح بيقول وبدأت الحملة من أخواننا اللي بيدافعوا عن النقاب واللحية...بصراحة لا يشرفنا أن يكون عندنا أخ منبطح مثلك..أخواننا رافعين الرأس..عالين الهمة..نواصيهم شوامخ والعز فيها..معتزين بإسلامهم..لا يعبدون المال..لا ينحوا لغير الله..رجال لا يتعصبون لغير دينهم..لا يدافعون إلا عن الحق..ويكفي إنهم لا ينبطحون أرضاً....أما بالنسبة ليك عزيزي "المنبطح" هو النقاب واللحية دول بتوع مين؟ بتوع السلفيين والأخوان وبس؟ مش رسولك محمد عليه الصلاة والسلام هو اللي علمنا "اللحية؟" مش "القرآن" هو اللي أعطى أمر لزوجات رسولك بأرتداء النقاب؟ لو لم تدافع عن الرسول ولا تحترم أوامر القرآن..فأنت"منافق" سبحان الله قال الله فيكم

وَإِذَا قِيلَ لَهُمْ تَعَالَوْاْ إِلَى مَا أَنزَلَ اللّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُوداً [النساء : 61]

وأحمل لكم بشرى..ليتكم تتأملون فيها قليلاً:

بَشِّرِ الْمُنَافِقِينَ بِأَنَّ لَهُمْ عَذَاباً أَلِيماً [النساء : 138]

مش عاجبينك اللي بيدافعوا عن النقاب واللحية يا منبطح ؟ على رأي اللي بيقولوا " لو كانت جابت دكر بط كانت دبحته وعملت عليه شُربة " ولكن صدقني دكر البط لا يُسيء للرسول عليه الصلاة والسلام.

ثامناً: ردد نجيب ساويرس جملة ورددها من بعده المنبطحين ألا وهي"أنا أرفض إختصار الإسلام فى اللحية والنقاب" ..بص بقى يا عم ساويرس..أنت تقبل ولا ترفض رأيك ده تحطه في أقرب شريحة موبينيل وتعطيها لشاب مسلم غيور على دينه يكسرها ويحطها تحت رجله..أما بقى المنبطحين فردي عليهم:

النقاب واللحية هم من الإسلام ومن أهم رموز الإسلام...لماذا؟! بمنتهى البساطة إن رسولك ملتحي..و زوجات رسولك منتقبات...هل تظن إن رسولك ما كان يوحى إليه؟!هل تظن أن الإسلام خاطىء ويفتح للمشككين مجالاً للسخرية لإنه أمر زوجات الرسول بالنقاب؟! وبعدين عجباً لأمركم يا معشر المنبطحين

أيه رأيكم في (عَلم مصر) ؟! آه هتقولي علم جميل وبيرفرف و طويل.

علم مصر هو رمز لمصر.. وإهانة العلم الوطني جريمة يُعَاقِب عليها القانون...بالرغم من كون العَلَم قطعة من القماش.. فهل أختصرنا مصر فى مجرد قطعة من القماش ملونه بثلاثة ألوان وفى وسطها نسر؟!! بالطبع لا..

ونحن لم نختصر الإسلام في"اللحية والنقاب" ولكنهما رموز للإسلام..وإهانتهما من المفروض أن تكون جريمة يعاقب عليها القانون أيضاً..وعزة مصر أتت من عزة الإسلام..ولا تنسوا أن الذين لقنوا اليهود درساً لم ينسوه فى حرب العاشر من رمضان والسادس من أكتوبر عندما كتبوا على علم مصر( الله أكبر) وكانوا يرددونها دائماً أثناء الحرب.....ألحقونا يا جدعان أبطال أكتوبر طلعوا بيدخلوا الدين فى الحرب .

تاسعاً: فشل المنبطحين المدافعين عن ساويرس فى إيقاف المقاطعة فقالوا( لما بتحولوا من خط"موبينيل" إلى خط" إتصالات" ده هيفيد شركة موبينيل مادياً لأن شركة موبينيل بتاخد نسبة ) وأنا بقولكم كان غيركم أشطر..لأن التحويل مثلاً من موبينيل لشركة إتصالات بيكون "مجاناً" يبقى شركة موبينيل هتاخد نسبة لما تحول منها لشركة إتصالات؟! وشركة إتصالات هتعملها مجاناً؟!..مش قولتلكم أصحاب العقول في راحة؟!

وكمان أنت بتترك شركة موبينيل نهائي وبتحول مثلاً "لإتصالات" وكل الرصيد اللي بتشحنه طول السنه بيكون إتصالات..يبقى أزاي شركة موبينيل ليها نسبة؟! 

وكمان دي إتفاقية بين الشركات الثلاثة"إتصالات , فودافون , موبينيل" ان اللي عايز يحول من أي شبكة للآخرى يحول وبنفس الرقم.

نصيحتي للأبطال المقاطعين :

لا تسمعوا لأحفاد "هدى شعراوي" وأحفاد"أتاتورك" الصراخ على قدر الآلم..

ساويرس الآن يصرخ من المقاطعة..إنشروها..عمموها..مش هتسب رسولنا بفلوسنا يا ساويرس..

و الثوار لم يثوروا ضد الإسلام بل صاروا ضد الطغيان..ولا عزاء للمنبطحين.

كتبه : محمود داود – ميمو

للتواصل مع الكاتب عبر الفيس بوك: (محمود داود) 

للتواصل مع الكاتب عبر تويتر: (Mahmoud_Dawoud1)

ساويرس وشعار هطلع دين اللي خلفوه !!

طبعاً أنت مستغرب..بتقول إيه إسم المقالة البيئة أوي ده؟!!

أكيد بتقول إسم المقال متدني أوي ؟ !!!

أنت أكيد حاسس إن إسم المقال فيه قلة أدب شويتين تلاتة كده..صح؟!

نفسك تقول حاجة تاني؟ قول وميهمكش..

هذه هى أخلاق مؤسس ((حزب المصريين الأحرار)) .. المدعو((نجيب ساويرس)) 

كان فى برنامج مع الإعلامية((لميس الحديدي)) على القناة الاولى المصرية..القناة الأولى المصرية اللى أنت وأنا وأبوك و أبويا بنمولها من فلوسنا ..يا ترى بنمولها ليه؟ علشان يطلع ساويرس يسب الدين..وهذا نص كلامه((أنا عن نفسي لا أقبل أن يٌفرق بيني وبين مواطن مصري مسلم على اى مستوى فى أي شىء- المذيعة: وتشعر ان هذه التفرقة موجودة؟- أنا عن نفسي شرس أساساً لما يجي حد يضطهدني بطلع دين اللى خلفوه – مبيعرفش)) أضغط هنــا لمشاهدة للفيديو

طبعاً الكلام عن التفرقة بين المسلم والمسيحي..ولما (حد مسلم) بيضطهد ساويرس بيطلع دين اللي خلفوه..

السؤال هنا: أي دين تقصد يا ساويرس ؟ بالطبع يقصد الدين الإسلامي.

لكن لماذا الزج بالدين الإسلامي فى علاقتك بمن يضطهدوك ؟

يعني الدين ينفع ندخله فى الخناقات والاضطهاد ونسب الدين عادي..لكن ندخل الدين فى السياسة أهو ده بقى اللي مش ممكن أبداً !!

- يا ترى ليه مدام لميس الحديدي لم تقاطع ساويرس وتتحفظ على اللفظ؟! هل أنتي متعودة الألفاظ دي يا مدام لميس؟! معلش يا مدام لميس لو أنتي متعودة عليها فإحنا عندنا أطفال ونساء محترمات مش بيسمعوا الألفاظ دي..هتقولي طيب إسم المقالة..هقولك مهي خربانة خربانة.

-ولو مش عارفة تسيطري على ضيوفك يا مدام لميس..يبقى متصدريش نفسك للإعلام وأتركي المهنة لأصحابها.

بالله عليك عمرك سمعت إعلامي طالع يعلق على الحلقة دي؟ سمعت برنامج ناقش قلة الأدب دي؟

فينك يا عمرو أديب ؟! معلش أصلي كنت عند ((الحلاق)) بيظبط لى شعري..وبعدين دي مراتي-لميس الحريري

فينك يا منى الشاذلي؟ آسفة جداً أصلي كنت مِرشَحة لمسابقة ملكات الجمال.

- فينك يا أستاذ إبراهيم عيسى؟ معلش أصلي كنت بشترى أستيك جديد أربط بيه القميص.

وفين باقي الأعلاميين؟ كانوا بياكلوا فى ((آته محلولة)) ..

ما علينا !!!!!!!!

تعرف يا مسلم؟!

 ساويرس يا مسلم بيستهزأ بأمك((عائشة أم المؤمنين رضي الله عنها وأرضاها))

ساويرس يا مسلم بيستهزأ برسولك محمد عليه الصلاة والسلام.

ساويرس يا مسلم بيستهزأ بدينك..

وإحنا بنتصفح موقع(تويتر) لقينا ساويرس كاتب على حسابة اللى هتشفوه :

لمشاهدة الصورة بحجمها الطبيعي من هنـــا

أخدتوا بالكم من الجملة دي؟

Micky and Minnie after ……

مين الشاطر اللى هيكمل الفراغ اللى فى الجملة ؟

ملهاش غير تكملة واحده بس..

Micky and Minnie after Islam

ساويرس فى بلد إسلامية وبياكل من خيرها وبيستهزأ بهيئة السيدة عائشة رضي الله عنها(أمك وأمي يا مسلم) وبيتهزأ بهيئة سيدنا محمد عليه الصلاة والسلام(شفيعك ورسولك يا مسلم)..ساويرس بيستهزأ بدينك !!

وبعد تعرض ساويرس للنقد..لم يمسح الصورة من حسابه على موقع تويتر.

ولما أشتد النقد..حذف الصورة وكتب :

NaguibSawiris 

اعتذر لمن لم يأخذ الصورة على محمل المزاح، أنا اعتبرتها صورة مضحكة ولم أعني بها عدم احترام لأي أحد. أسف.

وخرج علينا المنبطحين يقولوا خلاص يا جماعة ده كان بيهزر وأعتذر ولا يقصد الإساءة.

نعم؟!! بيهزر؟؟ وأعتذر؟؟

ولما هو بيهزر يكتب على الصورة (ميكي وميني بعد...الإسلام) ؟ هل ده كلام شخص بيهزر؟

وبعدين تعالى هنا.. بتهزر فى أيه ؟ بتهزر وتستهزأ بسيد المرسلين و ولد آدم أجمعين محمد بن عبد الله عليه صلاة ربي وسلامه عليه؟! بتستهزأ بأمنا عائشة؟!

ولو تلاحظوا وتدققوا فى الإعتذار المشبوه((أعتذر لمن لم يأخذ الصورة على محمل المزاح)) فمن الواضح ان ساويرس باشا لم يعتذر عن الخطأ..ولكن أعتذر عن سوء فهم الناس..ولو كان فعلاً عايز يعتذر كان قال(أنا آسف أنا اخطأت) ولكن !!!

خسئت يا ساويرس وخسئوا من يتبعونك من أذناب الغرب..وخسىء كل مسلم منبطح مغمي عنيه وماشي وراك..

وده رد الله سبحانه وتعالى على بعض المنتسبين للإسلام المنبطحين اللى بيقولوا(أصل ساويرس بيهزر)

بسم الله الرحمن الرحيم

وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِئُونَ (65) لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ (66) الْمُنَافِقُونَ وَالْمُنَافِقَاتُ بَعْضُهُم مِّن بَعْضٍ يَأْمُرُونَ بِالْمُنكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ نَسُواْ اللّهَ فَنَسِيَهُمْ إِنَّ الْمُنَافِقِينَ هُمُ الْفَاسِقُونَ (67) وَعَدَ الله الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا هِيَ حَسْبُهُمْ وَلَعَنَهُمُ اللّهُ وَلَهُمْ عَذَابٌ مُّقِيمٌ (68)- سورة التوبة

الإستهزاء بالله.. أو الإستهزاء بآياته..أو الإستهزاء بالرسول..هذا كفر..ولن يفيد الإعتذار بعد الكفر

ونعوذ بالله أن نكون من المنافقين ونرضى على سب رسول الله..او نكون من الكافرين المستهزئين برسول الله.

فوق يا مسلم..ده رسولك..دى زوجة رسولك..ده دينك..

بالله عليك يا مسلم فى أيه فى الدنيا أغلى من دينك؟

تخيل إنك واقف أمام سيدنا محمد عليه الصلاة والسلام..هتقابله أزاي وبأى وجه؟ هتقوله يا رسول الله انا شفتهم بيتمسخروا بدين الإسلام وقلت أصله كان بيهزر؟؟ هتقوله يا رسول الله شفتهم بيستهزئوا باللحية والنقاب اللى هما سُنتك وسُنة زوجاتك وقلت أصل ده كان بيهزر؟

كل مسلم يتخيل انه واقف أمام سيدنا محمد..ويحضر إجابة..يا ترى هتجاوب تقول أيه؟!

والناس اللى بتقول اللحية ليست من الدين الأسلامي دي عادات بعض الشعوب والرسول عليه الصلاة والسلام كان يلبس الذي يلبسه اهل قبيلته سواء كانوا مسلمين أو كفار


في صحيح البخاري عن ابن عمر رضي الله عنهما قال: قال رسول الله صلى الله عليه وسلم: "خالفوا المشركين، وفروا اللحية، وأحفوا الشوارب". 
وفي صحيح مسلم عن أبي هريرة رضي الله عنه أن النبي صلى الله عليه وسلم قال: "جزوا الشوارب، وأرخوا اللحى، خالفوا المجوس" .
وفي مسند أحمد عن أبي هريرة رضي الله عنه أن النبي صلى الله عليه وسلم قال: "أعفوا اللحى، وخذوا الشوارب، وغيروا شيبكم، ولا تشبهوا باليهود والنصارى". 
---------------------------------------------------------------------

طيب يا ساويرس لما أنت بتهزر ودمك خفيف ويلطش..ما احنا كمان بنعرف نهزر ..اه والله بجد.

طيب أيه رأيك نرسم صورة على هيئة المسيح ونسخر منها؟! مش هينفع طبعاً لأننا مسلمين وبنؤمن بسيدنا المسيح عليه الصلاة والسلام ...ومش هنتدنى ونُسىء لمظهر النصارى الديني حسب إعتقادهم..لأن الشىء ده أكيد مرفوض.

**ساويرس ومبادىء الحزب:

ولما نشوف البيان التأسيسي لحزب ساويرس(حزب المصريين الأحرار) نقرأ المبادىء:

1- الإيمان بالديمقراطية وبالحريات وبحق المواطنين فى التنظيم الحر وإبدأ الرأي والتعبير عنه بكافة الحريات.....هي دى الحرية إنك تسخر من الإسلام يا ساويرس؟ هى دى حرية تعبير الرأي؟لو الحرية معناها الإستهزاء بالإسلام..يبقى ملعون أبو الحرية

2-الإيمان بالمساواة بين جميع المواطنين بلا تفرقة....طيب عسل أوي..يلا بقى زى الشاطر يا ساويرس من منطلق المساواة أعمل صورة وأستهزأ فيها على النصارى.. ( طيب أيه رأيك مثلاً لو ترسم صورة ميكي ماوس ولابس جلبيه سوده ومعلق صليب فى رقبته وتكتب تحته: ميكي ماوس فى وعظة للجرذان-الفئران )

وتقول معلش أصل إحنا بنهزر بقى يا مسيحيين..وكفك على كده-ودانك- أد كده!! وكركركركر وأضحك بقى يا راجل !!! مش أنت بتقول المساواة بين جميع المواطنين بلا تفرقة؟ والمساواة فى الإستهزاء عدل..صح كده؟!!

** دور الإعلام:

يا ترى هنسمع عن هذه الواقعة القذرة فى البرامج التلفزيونية وصفحات الجرائد؟

فين نغمة الفتنة؟! مين اللى بيثير الفتن؟!

فين اللى كان بيقول((ألحقوني..المسلمين بيستفزوني))

لما الشيخ يعقوب حفظه الله قال(غزوة الصناديق) وأعتذر عنها لم يكف الإعلام عن مهاجمة الشيخ يعقوب .

طيب يا ترى لما ساويرس يسخر من الإسلام..هتعترضوا ؟!

أعتقد أن سياسة الإنبطاح هتفضل مستمرة فى وسط الإعلام المصري ..عارفين ليه؟

فاكرين المثل اللي كنّا بنسمعه زمان اللي بيقول :

((أطعم الفم ..تستحي العين))

وده معناه إنك لما تأكل وتقعد تِعلف فى شخص..بكده أنت بتكسر عينه..ومش هيقدر يرفع عينه فيك.

للأسف.. هو ده حال الإعلام المصري..

فلوس ساويرس وأفضالة ملهاش أول من آخر على الإعلام والإعلاميين-إلا ما رحم ربي-..وعنيهم مكسورة.

لكن همسة فى اُذن كل إعلامي:

هتقبل إن ساويرس يسخر من دينك علشان هو كاسر عينك بالفلوس..طيب لغاية أمتى؟ لغاية لما حياتك تنتهى فى لحظة انت مش عارف ميعادها؟! صدقني لما هتموت مش هتاخد فلوس معاك..ومفيش حد هينفعك..يا ترى هتنصر دينك ولو لمرة واحدة فى حياتك؟!

** ساويرس و الإضطهاد:

ساويرس قال اللى هيضطهدني هطلع دين اللى خلفوه كرد فعل.

طيب ساويرس قال انا مش عايز مصر تكون زي ايران كلها حجاب..مش عجباه العفة والنضافة بعيد عنك وعن القارئين .

والآن ساويرس يسخر من الإسلام وسُنة الرسول فى اللحية ويسخر من النقاب الذي أمر الله نساء النبي به...

ساويرس بيضطهدنا فى بلدنا يا رجالة !!

يبقى رد فعلنا أيه؟

لازم احنا كمان نطلع دين ..... ؟!! ولا أقولك أحنا محترمين ومش هننزل لمستواك.

**دور المسلمين:

صدق العلامة اللمبي لما قال (( الجنية ..غلب الكارنية )) ..

ومحمود داود بيقول:عايز تقهر المتعوس؟ أمنع عنه الفلوس

هو ده الحل .. إنك لما تقاطع ساويرس وشركاته..ويحس بمغص فى أرصدته فى البنوك..ويحس أن الرصيد بتاعه بقى عنده إمساك شديد..ولما يلقى الرصيد بتاعة أصابة شلل رعاش وعمال يخس ويقل!! هيعرف أزاي يحترمك يا مسلم.

إذا كان ساويرس معاه الإعلام...فنحن الجمهور.

إذا كان ساويرس عنده شركات...فنحن الزبائن.

 - على القنوات الإسلامية مقاطعة التعامل مع شركات ساويرس.

-على كل مسلم مقاطعة شركات ساويرس وأهمهم ((شركة موبينيل)) و((شركة لينك دي أس أل))..هتقولي طيب هغير رقم التليفون بتاعي أزاي وأنقل لشبكة تانية رغم أن رقمي بقى محفوظ عند أهلى وأصحابي؟ بسيطة جداً..أتبع الآتي(( أتصل بخدمة عملاء موبينيل وقولهم عايز رقم الحساب بتاعي..هيعطيلك رقم مكون من 10 أرقام..خد الرقم ده وروح لأقرب فرع من فروع شركة إتصالات..قولهم انا عايز أحول عندكم..خلال خمس دقايق هيحول لك الشبكة (مجاناً) و (كمان بنفس رقمك وبنفس الكود) يعني لو رقمك كان فى موبينيل (0125665666) وحولت لشبكة إتصالات..هيفضل هو نفس الرقم وبيبدأ بـ 012 كمان ومش هيتغير أي رقم فيه..وأنا جربتاها والشبكة شغالة معايا تمام...

-أوعى تكسل..ده دينك..ده رسولك..مشوار نص ساعة لغاية فرع إتصالات وتبقى ساهمت فى عقاب ساويرس..

-و أوعى تقول يعني الـ 10 جنية اللى بشحن بيها فى الشهر هي اللى هتخسر شركات ساويرس؟ هرد عليك بكلام رسولك حبيبك محمد عليه الصلاة والسلام(( لا تحقرن من المعروف شيئاً-حديث صحيح)) أوعى تحقر من مجهودك..إياك تتكاسل.

إتصل بشركة((لينك دي أس أل)) قولهم عايز اعمل((كنسل للخدمة)) ..وفى نفس الوقت أتصل بشركة((تي داتا)) قولهم عايز أشترك معاكم..شركة لينك هتقولك الخدمة هتفصل نهاية الشهر..وفى بداية اليوم اللى بعده هتكون عندك وصلة نت من ((تى داتا)) يعني وانت قاعد فى بيتك وبالتليفون هتنصر دينك..فى أسهل من كده؟

- فيها أيه لما متتصفحش موقع مصراوي؟ ده حتة موقع على إنترنت..فى ملايين المواقع البديلة.

فيها أيه لما متتفرجش على قناة (أو تي في OTV) ؟! دى حتى بتجيب حاجات كوخه أو قناة (اون تي فيONTV) الاخبارية؟!.

-فيها أيه لما متقرأش جريدة (المصري اليوم)؟! فى جرائد كتير.

-فيها أيه لما تقاطع جريدة (اليوم السابع)؟! إقرأ غيرها يا أخي مش هتخسر.

الملخص قاطع كل شركات ساويرس وهي(قاطع حزب المصريين الأحرار , موبينيل , أوراسكم تليكوم , جريدة المصري اليوم , جريدة اليوم السابع , موقع مصراوي , لينك دوت نت ,قناة أو تي في OTV ، اون تي في ONTV , قناة أون تي في , شركة جيزي الجزائرية, عراقنا , أسمنت المصرية ,فنادق فور سيزونز, مشروب فيروز)

ولا تنسى أن (مَن أمِنَ العقاب..أساءَ الأدب)..بالبلدي (سكتناله..دخل بحماره) لحد أمتى هنفضل ساكتين؟ لحد أمتى مش هنقاطع شركات ساويرس؟منتظر أيه تاني؟

ولا خير فينا إن لم ننصر دين الله ودافعنا عن نبينا عليه الصلاة والسلام.

بسم الله الرحمن الرحيم((إِلاَّ تَنصُرُوهُ فَقَدْ نَصَرَهُ اللّهُ)) وحسبنا الله ونعم الوكيل.

الكسل !

يتسابق الكبار دائما في اطلاق صفات علي الجيل الحالي
منهم من يقول التفاهه
و اخرون يقولون الاستهتار والطيش

لكن نسوا اهم شئ

الكسل !

الكسل يا ساده هو الصفه المميزه لعصرنا هذا

الكسل يدخل في حياتنا بكل تفاصيلها
ـــــــ
ليه العربيه بقت هيدروماتك ؟؟
هي الناس اتشلت يعني مش عارفه تدي غيار؟؟

ليه العربيه بقي فيها ازاز كهربا ؟؟ !!
عشان سيادتك مكسل ترفع الازاز بأيدك

ليه العربيه بقت بسنتر لوك ؟؟
عشان سيادتك مكسل تقفل الباب بالمفتاح

ليه التلفزيون بقي بريموت ؟؟
عشان سيادتك مكسل تقوم تقلب من التلفزيون

ليه فيه ماكينه تصوير ؟؟
عشان سيادتك مكسل تكتب

بالمناسبه ,, زمان لما مكانش فيه ماكينه ,, كانوا بيكتبوا لكل طالب الامتحان علي ايديهم ؟؟

ليه النتيجه علي النت ؟؟
عشان سيادتك مكسل تجبها من المدرسه

ليه المحاضره علي النت ؟؟
عشان سيادتك مكسل تصحي من النوم تروح الكليه تحضر المحاضره


ليه الجرايد علي النت ؟؟
عشان سيادتك مكسل تنزل تشتري الجرنال

ليه العيال الصغيره بتعملها علي نفسها وهي نايمه ؟؟
عشان بعد ما نام علي السرير كَسل يروح الحمام
بالمناسبه ,, مش بعد ما بنام ,, بنعتطش ونكسل نقوم نشرب ؟؟

ليه دايما بنلاقي سؤال مش عارفينه في الامتحان ؟؟
عشان سيادتك بتكسل تقرا اخر ورقه في كل موضوع

ليه بنغش في الامتحانات ؟؟
عشان سيادتك مكسل تذاكر

ليه الموبايل فيه مسجات ؟؟
عشان سيادتك مكسل تتصل

ليه الفيس بوك بقي فيه شات ؟؟
عشان سيادتك مكسل تفتح الميل

ليه فيه حراميه ؟؟
عشان سيادته مكسل يشتغل

ليه ناس بتتظلم في الامتحانات ؟؟
عشان المصحح مكسل يقرا

ليه التاكسي موجود ؟؟
عشان سيادتك مكسل تمشي

ليه البنات بتحط ميك اب ؟؟
عشان مكسله تغسل وشها الصبح
:D


ليه الفيس بوك فيه لايك ؟؟
عشان سيادتك مكسل تعمل كومنت !!

ليه مش هكمل المقال ناو ؟؟
عشان انا مكسل و عايز انام

اتمني لكم كسل سعيد

كيف تصبح دحيحا ؟؟

يؤمن الفشله بشده ان لديهم عبقريه ما
و انهم قادرين علي ألتهام الكتب ألتهاما في لحظه ما
متفوقين علي هولاء الاوائل الدحيحه الاغبياء
الذين لا يجيدون سوي النوم علي الكتب
كدجاجه ترقد علي البيض

الامر الذي يفسر ,, ليه معظم الاوائل بنات
:D:D


ينظر الفشله الي الدحيحه علي انهم شخصيات معقده نفسيا
ما تعرفش كان بيعملها علي نفسه وهو صغير كتير ,, الله اعلم
_دي اسرار ومش عايزين نخوض فيها_
:D
لكن المؤكد ان هناك تعقيدا ما

تعقيدا كافي ليتحفنا بسؤال من فصيله
( انتوا بتقعدوا علي الفيس بوك ده كله بتعملو ايه ؟؟)

ولا تنتظروا مني اجابه ,, فلو كنت اعلم لأصبحت اينشتاين القرن الواحد والعشرين
_ مش عايز احكلكوا علي انجازاتي وبطولاتي عشان ما تتعقدوش زيهم _
:D:D


و لكن لا ننكر اننا نريد ان نصبح دحيحه بدرجه ما
درجه لا تصل للرقد علي البيض بالطبع
:D
فكيف تصبح دحيحا ؟؟

1- الدحيح لازم يبقي خنيق
الدحيح اللي علي حق يقول للتهييس لأ

الامر الذي يفسر بشده ليه الناس بتتخنق من طلبه طب

2- الدحيح لازم يبقي غلبان و ملوش في الحاجات اياها
( فاهمني طبعا ,, حرام عليكو صحتكو )
:D

3- الدحيح لازم يبقي بنضاره
عمرك شفت دحيح من غير نضاره ؟؟
:D

4- الدحيح ملوش اكونت علي الفيس بوك

الامر الذي يجعلني بكتب بقلب جامد ومن غير خوف
:D

تلك الاشياء المبدئيه التي ستضعك علي طريق الدح

ولا تنسي رفع البنطلون لحد بطنك

ما يعبأ بكم ربي لولا دعاؤكم

ربّ اجذبني إليك بحبلك الممدود لأخرج من ظلمتي إلى نورك و من عدميتي إلى وجودك و من هواني إلى عزتك .. فأنت العزيز حقاً الذي لن تضرك ذنوبي و لن تنفعك حسناتي
إن كل ذنوبنا يارب لن تنقص من ملكك
و كل حسناتنا لن تزيد من سلطانك
فأنت أنت المتعال على كل ما خلقت المستغني عن كل ما صنعت
و أنت القائل :
هؤلاء في الجنة و لا أبالي و هؤلاء في النار و لا أبالي
و أنت القائل على لسان نبيك :
( ما يعبأ بكم ربي لولا دعاؤكم )
فها أنا أدعوك فلا أكف عن الدعاء .. فأنا المحتاج.. أنا المشكلة .. و أنا المسألة
أنا العدم و أنت الوجود فلا تضيعني
عاوني يارب على أن اتخطى نفسي إلى نفسي .. أتخطى نفسي الأمارة الطامعة في حيازة الدنيا إلى نفسي الطامعة فيك في جوارك و رحمتك و نورك و وجهك

د / مصطفى محمود